"Qalatasay"ın ulduzu əməliyyat olundu

Türkiyə milli komandasının və "Qalatasaray"ın ən vacib futbolçularından biri olan Yunus Akgün əməliyyat edilib. Klub rəsmi saytında yaydığı məlumatda, Akgünün qasıq yırtığı əməliyyatı keçirdiyini bildirib. Məlumata görə, əməliyyat uğurla başa çatıb. Klub vurğulayır ki, Yunus Akgün hazırda özünü yaxşı hiss edir və vəziyyəti tamamilə normaldır.

Bu xəbər, komandanın çempionluq mübarizəsinə hazırlaşdığı bir vaxta təsadüf etdiyi üçün böyük əhəmiyyət daşıyır. Həkimlər futbolçunun yaşıl meydanlara nə vaxt qayıdacağını da dəqiqləşdiriblər. Tibbi heyət bildirir ki, "Qalatasaray"ın gənc hücumçusu 6-8 həftə müddətində məşqlərdən və oyunlardan kənarda qalacaq. Bu, onun komandanın növbəti dövrdəki bir sıra əhəmiyyətli qarşılaşmalarını buraxacağı deməkdir.