Putin ABŞ-nin planını rədd edib?

Kreml Rusiya Prezidenti Vladimir Putin və Ağ Evin xüsusi nümayəndəsi Stiv Vitkoff arasındakı görüşlə bağlı rəsmi bəyanat yayıb. Mətbuat katibi Dmitri Peskov Putinin ABŞ-nin təqdim etdiyi Ukrayna sülh planını qəbul etməməsi ilə bağlı yayılan iddiaların doğru olmadığını bildirib. O qeyd edib ki, Rusiya ABŞ ilə sakit danışıqlara üstünlük verir.

Peskov Ukrayna böhranının həlli yollarını axtardığına görə ABŞ-yə minnətdarlığını ifadə edib. O, həmçinin təklif edilən sənədin məzmunu haqqında da məlumat verib. Rusiya ABŞ-nin təklif etdiyi Ukrayna sülh planının bəzi bəndlərini qəbul etsə də, digər bəndlər qəbuledilməz hesab edilib.

Dmitri Peskov iki ölkə prezidentləri arasında telefon danışığının istənilən vaxt mümkün olduğunu qeyd edib. Lakin o vurğulayıb ki, hazırda danışıqların nəticələri hələlik ekspert səviyyəsində qiymətləndirilməlidir. Bu o deməkdir ki, yekun qərarlar hələ ki qəbul edilməyib.