Müğənnidən qızına 1 milyard dollar miras qalıb

Əfsanəvi türk müğənnisi Muazzəz Abacının vəfatından sonra onun sahib olduğu böyük sərvət diqqət mərkəzinə düşüb. Sevilən sənətçidən yeganə övladı, qızı Saba Abacıya külli miqdarda var-dövlət miras qalıb. Türkiyə mediası bu sərvətin ümumi dəyərinin 1 milyard dollardan çox olduğunu iddia edir. Bu geniş mirasa müğənninin Türkiyənin daşınmaz əmlak bazarında böyük payı daxildir. Anasının bütün sərvəti ABŞ-da yaşayan və məşhur həkim olan qızı Saba Abacıya çatacaq.

Muazzəz Abacı İstanbulun ən bahalı rayonlarında dəbdəbəli villalara, eyni zamanda 10-dan çox mənzilə sahib olub. İddialara görə, Abacı ailəsinə İstanbulda xeyli sayda çoxmərtəbəli bina, biznes mərkəzləri, qızıl mağazaları və nəhəng supermarketlər məxsusdur. Bu daşınmaz əmlak imperiyası onun maliyyə gücünü göstərir.

Həmçinin bildirilir ki, müğənni təkcə Türkiyədə deyil, Avropa və ABŞ-da da bahalı mənzillərə malik olub. Sərvətin dəyəri və Abacının biznes maraqlarının genişliyi onu Türkiyənin ən zəngin sənətçilərindən birinə çevirib. Qızı Saba Abacı isə anasından qalan bu nəhəng mirası tam şəkildə idarə edəcək.