​"Milyonları əlimin arxası ilə geri itələdim" - Mahsun Kırmızıgül

Türkiyənin tanınmış müğənnisi Mahsun Kırmızıgül maraqlı açıqlama verib. Sevilən sənətçi aktyorluq peşəsinin müğənnilikdən daha yüksək dəyərə malik olduğunu bildirib. Müğənni bu sözləri Şimali Kiprdəki konsertindən əvvəl jurnalistlərlə söhbət edərkən deyib. Kırmızıgül sənət dünyasına və pulun sənətdəki yerinə dair düşüncələrini bölüşdü.

Mahsun Kırmızıgül filmlərdə çəkilməyin və unudulmaz obrazlar yaratmağın insandan xüsusi istedad və zəhmət tələb etdiyini deyib. O, bu səbəbdən aktyorların böyük hörmət və ehtirama layiq olduğunu qeyd edir. Kırmızıgülə görə, aktyorluq gəlirdən asılı olmayaraq, sənətin ən çətin və dəyərli sahələrindən biridir.

Kırmızıgül müğənnilərlə müqayisədə aktyorların daha az qazanc əldə etdiyini vurğulayıb. O, əsl sənət adamının pul haqqında düşünmədiyini iddia edir. Sənətçi öz şəxsi təcrübəsindən danışaraq, "Mənə təklif olunan milyonları əlimin arxası ilə itələyib 17 il dayanmadan kinoya çəkildim" deyib. O, bir müğənninin bir gecədə qazandığı pulu aktyorun bir ayda qazana bilmədiyini söyləyib. Buna baxmayaraq, Mahsun Kırmızıgül müğənniliyin aktyorluqdan üstün bir peşə olmadığını açıq şəkildə bildirib.