Messi icarə ilə "Barselona"ya qayıdır?

“Barselona”nın prezidenti Joan Laporta Lionel Messinin növbəti transfer pəncərəsi dövründə Kataloniya nəhənginə icarə əsasında qayıtma ehtimalı ilə bağlı suallara cavab verdi.

Laporta, Messiyə və “Barselona” futbolçularına hörmət əlaməti olaraq, real olmayan ssenarilər barədə spekulyasiya etməyin vaxtı olmadığını ifadə edib.

Qeyd edək ki, bu cür söhbətlər Messinin əvvəlki açıqlamalarından sonra yaranmışdı. Lionel Messi "Kamp Nou"ya səfər edərkən sosial media hesabında, "Ümid edirəm ki, bir gün qayıda bilərəm və sadəcə oyunçu kimi vidalaşmaq üçün deyil, çünki heç vaxt bacarmamışam...", - deyə paylaşım etmişdi. ABŞ çempionatındakı fasilə vaxtı Messinin icarə əsasında başqa kluba transfer ola biləcəyi barədə xəbərlər dərc edilmişdi. "Barselona" rəhbərinin bu mövzuya aydınlıq gətirməsi yayılan şayiələri sona çatdırmaq məqsədi daşıyır.