Məşhur aktrisanı ölümlə təhdid edirlər

Böyük tamaşaçı auditoriyasına malik olan "Uzak Şehir" serialının ulduzu, aktrisa Dilin Döyər ciddi təhdidlə üzləşib. Serialda Zerrin obrazını canlandıran sənətçi bu barədə özü ictimaiyyətə açıqlama verib.

Dilin Döyər deyib ki, sosial media hesabında izləyicilərindən biri ona qarşı təhqiramiz sözlər yazıb. Həmin şəxs bununla kifayətlənməyərək aktrisanı açıq şəkildə ölümlə hədələyib. Mesaj ingilis dilində göndərilib. Aktrisa dərhal hərəkətə keçib, o, vəziyyətlə bağlı prokurorluğa şikayət ərizəsi təqdim edib.

Hüquq-mühafizə orqanları təhdid faktı ilə bağlı cinayət işi qaldırıb. Polis saxta adla sosial mediada fəaliyyət göstərən həmin şəxsin kimliyini müəyyən etmək üçün araşdırmalar aparır.