Mehdiyevlə bağlı yeni iddialar - VİDEO

Professor Fikrət Yusifov Baku TV-də yayımlanan "Aktual gündəm" verilişində Ramiz Mehdiyevlə bağlı bir sıra kəskin iddialar irəli sürüb. Yusifovun sözlərinə görə, Mehdiyev öz adıyla çıxan əsərləri şəxsən yazmayıb. O bildirib ki, Mehdiyev sadəcə olaraq müəyyən şəxsləri yanına çağırır, onlara dəqiq təlimatlar verir və mövzular barədə istiqamətlər müəyyənləşdirirdi. Bu işlərin qarşılığında, təbii ki, həmin şəxslərə böyük məbləğdə pul ödənilirdi.

Fikrət Yusifov bu prosesin maliyyə tərəfini də açıqlayıb. O, "o boyda imperiyada milyardlara sahib olan adamın" bu vəsaitləri harasa xərcləməli olduğunu deyib. Mehdiyevin sifarişi ilə hazırlanan bu kitablar daha sonra dövlət orqanlarına, rayonlara, yerli icra hakimiyyətlərinə və müxtəlif təşkilatlara satılırdı. Professorun sözlərinə görə, bu nəşrlər heç vaxt sadəcə bağışlanmırdı, əksinə, onların satışı məcburi idi.

Bu iddialar Ramiz Mehdiyevin rəhbərliyi dövründə kitab nəşriyyatı vasitəsilə maliyyə vəsaitlərinin necə dövriyyəyə buraxılması mexanizmini ortaya qoyur. Kitabların dövlət strukturlarına zorla satılması faktı, bu nəşrlərin təkcə ideoloji deyil, həm də mühüm maliyyə aləti olduğunu göstərir.