Könül Vəlibəylinin qızının vəziyyəti açıqlandı

Yasamal rayonu, M. Seyidov küçəsində yerləşən yaşayış binasında baş verən yanğın nəticəsində xəsarət alan Ləman Qulamovanın səhhəti barədə yeni məlumat açıqlanıb. 2000-ci il təvəllüdlü pasiyentin vəziyyəti ilə bağlı Yeni Klinika məlumat yayıb.

Klinika Ləman Qulamovanın koma vəziyyətindən çıxdığını təsdiqləyib. Onun müalicəsi hazırda Yeni Klinikanın Reanimasiya şöbəsində davam etdirilir. Həkimlərin verdiyi məlumata görə, xəstənin ümumi vəziyyəti hələ də ağır stabildir. Bu, həyatı təhlükənin hələ də mövcud olduğunu, lakin vəziyyətin nəzarət altında saxlandığını göstərir.

Müsbət dəyişikliklərə görə, pasiyent artıq süni tənəffüs aparatından ayrılıb. O, huşu açıq və adekvat vəziyyətdədir. Buna baxmayaraq, tənəffüsün tam bərpası üçün tibbi dəstək hələ də vacibdir. Yüksək axımlı oksigen müalicəsi ilə tənəffüs funksiyası dəstəklənməyə davam edir. Xəstənin nəfəs alıb-vermə tərzinin xarakteri (tənəffüs paterni) tam normallaşmadığından, həkimlər planlı şəkildə intensiv müayinə və müalicə tədbirlərini həyata keçirirlər.