"Fənərbaxça"nın istədiyi "Real"ın ulduzu qərarını verdi

"Real Madrid"in gənc hücumçusu Endrik transfer qərarını açıqlayıb. Bu istedadlı braziliyalı futbolçu ilə "Fənərbaxça" yaxından maraqlanırdı. Lakin iddialara görə, Endrik növbəti transfer pəncərəsində klubdan ayrılmaqda qərarlıdır. O, daha iddialı klubda oynamaq istədiyi üçün Türkiyə nəhəngi "Fənərbaxça"nı seçməyəcək.

Endrikin bu addımı atmasının əsas səbəbi 2026-cı il Dünya çempionatında iştirak etmək arzusudur. O, buna nail olmaq üçün mütəmadi oyun təcrübəsi qazanmalıdır. Məlumatlar göstərir ki, braziliyalı futbolçu Xabi Alonsonun rəhbərliyi altında hələlik heç bir oyunda iştirak etməyib. Buna görə də, "Real Madrid" Endriki müntəzəm oynaya biləcəyi bir kluba icarəyə vermək niyyətindədir.

Endriklə maraqlanan tək klub "Fənərbaxça" deyil. Fransanın “Marsel”, İspaniyanın “Espanyol” və Almaniyanın “Borussiya Mönhenqladbax” kimi Avropa klubları da gənc hücumçunun vəziyyətini izləyir. Endrikin qərarı artıq bəllidir: o, karyerası üçün ən yaxşı imkanları təklif edən daha iddialı klub seçməyi planlaşdırır və bu səbəbdən "Fənərbaxça"nın təklifini geri çevirir.