Ərdoğandan təyyarə qəzası ilə bağlı ilk açıqlama

Türkiyə Prezidenti Rəcəb Tayyib Ərdoğan Gürcüstanda qəzaya uğrayan hərbi yük təyyarəsi ilə bağlı ilk dəfə açıqlama verib. Dövlət başçısı bildirib ki, hazırda qəzaya uğrayan hərbi təyyarənin qalıqlarını tapmaq üçün ərazidə axtarışlar davam etdirilir.

Ərdoğan qeyd edib ki, Türkiyənin müvafiq qurumları qəzanın baş verdiyi ərazidə təyyarənin qalıqlarının aşkarlanması üçün işlərini davam etdirirlər. O, hadisədən dərhal xəbər tutduqlarını bildirib. Prezident, “Qəzanı öyrəndik. Ölkənin aidiyyəti qurumları təyyarənin qalıqlarının aşkarlanması üçün iş aparır” söyləyib.

Prezident Ərdoğan, həmçinin bu hadisədən minimum itki ilə çıxmağa ümid etdiyini vurğulayıb. O, bütün həyatını itirənlərə Allahdan rəhmət diləyib: “Ümid edirik ki, bu hadisədən minimum itki ilə çıxacağıq. Rəbbim şəhidlərimizə rəhmət eləsin, dualarımız onlarla birlikdədir”.