​Ərdoğan əsəbləşdi: "Alçaqlar..."

Türkiyə Prezidenti Rəcəb Teyyub Ərdoğan növbəti sərt açıqlamaları ilə gündəmdədir. Dövlət başçısı FETO terror təşkilatının üzvlərinə qarşı kəskin ifadələr işlətdi, eyni zamanda vətəndaşları ayıq-sayıq olmağa və hər cür provokasiyadan uzaq durmağa çağırdı. Ərdoğan bildirib ki, inkişafın və sabitliyin düşməni olan qüvvələr ölkədəki milli birliyi və həmrəyliyi pozmağı hədəf alırlar.

Prezidentin sözlərinə görə, FETO terror təşkilatı hazırda yenidən fəallaşmağa başlayıb. O, Türkiyənin və regionun sülh, ədalət coğrafiyasına çevrilməsi yolunda atılan addımları qeyd edərək, bu irəliləyişdən xəbərdar olan "FETO-çu alçaqların" hərəkətə keçdiyini vurğulayıb. Bu qüvvələr cəmiyyətdə bölücülük yaratmağa çalışır. Onlar şəhid ailələrini provokasiyaya cəlb edir, insanların duyğu və düşüncələri ilə manipulyasiya edirlər. Terrorçular xalq arasında qarışıqlıq salmağı qarşılarına məqsəd qoyublar.

Ərdoğan əminliklə deyib ki, türk xalqı indiyə qədər olduğu kimi, bundan sonra da bu alçaqlara yerini göstərəcək. O qeyd edib ki, Türkiyə vətəndaşları bu təxribatlara qarşı həmişə bərabər dayanıblar. Xalqın terror təşkilatının məkrli planlarını rədd edəcəyinə və onların ölkənin hədəflərinə çatmasına mane olmasına imkan verməyəcəklərinə əminliyini ifadə edib.