Ən etibarlı 4 bürc

Astroloqlar verdiyi sözə sadiq qalmaq xüsusiyyəti ilə seçilən ən etibarlı dörd bürcü müəyyənləşdirdi. Mütəxəssislər bildirir ki, bu bürclərin təmsilçiləri verdikləri hər bir sözü ciddi bir prinsip kimi qəbul edir. Onlar vədlərindən yayınmağı, ya da geri çəkilməyi özlərinə yaraşdırmırlar. Bu siyahıda adları çəkilən dörd bürc həm işlərində, həm də şəxsi münasibətlərində öz sözünün ağası olmağı hədəf seçir.

Siyahının ilk pillələrində Oğlaq və Buğa yer alır. Məsuliyyətli və prinsipial xarakteri ilə tanınan Oğlaqlar başladıqları işi sona qədər çatdırmağa çalışırlar. Onlar verdikləri sözü mütləq yerinə yetirmək istəyirlər. Oğlaqlar üçün etibar anlayışı hər şeydən üstün sayılır. Digər güvənilən bürc olan Buğalar stabil xarakterə malikdir. Onlar vədlərinə olduqca sadiq olmaları ilə fərqlənirlər. Buğa nümayəndələri söz verməzdən qabaq yaxşıca düşünürlər. Amma söz verildisə, həmin vəd qətiyyətlə icra olunur.

Daha sonra Əqrəb və Qız bürcləri gəlir. Əqrəb bürcü münasibətlərdə dürüstlüyə böyük dəyər verir. Onlar söz verdikləri zaman həmin sözün arxasında dayanmağa çalışırlar. Əqrəbin etibarını qazanmaq müəyyən qədər çətindir, ancaq bu etibarı qazandıqda onların sözünə tam güvənmək olar. Qız bürcü nümayəndələri isə detallara diqqətli olmaları və planlı hərəkət etmələri ilə tanınır. Onlar kiməsə söz verdikdə, həmin vədi vaxtında və mümkün qədər dəqiq şəkildə yerinə yetirməyə üstünlük verirlər.

Astroloqlar qeyd edir ki, bu dörd bürc bu qədər etibarlı sayılır, çünki onlar verdikləri hər hansı bir vədi başqasına yox, özlərinə qarşı şəxsi məsuliyyət kimi qəbul edirlər. Buna görə də, onlar vədlərinə sadiqlik nümayiş etdirərək, sözlərini həyata keçirməyə çalışırlar.