Eldar Əzizov: Yağışdan Sonra Bakıda Yaranan Vəziyyət Təbii Fəlakətdir

Bakı Şəhər İcra Hakimiyyətinin başçısı Eldar Əzizov, son günlərdə paytaxtda yaşanan güclü yağışların yaratdığı fəsadları "təbii fəlakət" kimi qiymətləndirmişdir.

"Bu, müəyyən mənada, təbii fəlakətdir. Proses göz qabağındadır, normadan artıq yağıntı olub", - Eldar Əzizov jurnalistlərə açıqlamasında deyib.

Əzizov bildirib ki, yaranan vəziyyətin səbəblərini araşdırmaq üçün Bakı Şəhər İcra Hakimiyyəti, Azərbaycan Dövlət Su Ehtiyatları Agentliyi, Ekologiya və Təbii Sərvətlər Nazirliyi və digər aidiyyəti qurumların nümayəndələri ilə birlikdə bu gün axşam yığışacaqlar.

Onun sözlərinə görə, araşdırmanın nəticələrinə əsasən, fəsadların aradan qaldırılması və gələcəkdə bu cür halların qarşısının alınması üçün müvafiq tədbirlər görüləcəkdir.