Bu ölkələr Avroviziyadan çəkildi

Avropa Yayım Birliyinin (AYB) İsrailin Avroviziya mahnı müsabiqəsində iştirakına icazə verməsi, Qəzzaya edilən hücumlar fonunda böyük etirazlara səbəb oldu. Bu qərar kontinental səviyyədə yayımçı şirkətlər və ölkələr arasında gərginlik yaratdı. Baş Assambleyanın iclasında İsrailin müsabiqədən kənarlaşdırılması üçün rəsmi çağırışlar edilsə də, AYB geri addım atmadı.

Etiraz dalğasına baxmayaraq, Avropa Yayım Birliyi İsrailin iştirakına dair ilkin razılığını təsdiqlədi. Bu qətiyyət Avropadakı bir çox yayımçı şirkətin ciddi narazılığına səbəb oldu. Şirkətlər bu iştiraka etiraz edərək AYB-nin mövqeyini qəbul etmədiklərini bildirdilər.

Nəticədə, bəzi iştirakçı ölkələr AYB-nin mövqeyinə etiraz əlaməti olaraq müsabiqədən çəkildiklərini elan etdilər. Müsabiqədə iştirakdan imtina etdiyini bildirən ölkələr Belçika, Sloveniya, Hollandiya, İspaniya və İrlandiya oldu.