​“Barselona” Harri Keyni transfer etmək istəyir

“Barselona” futbol klubunun “Bavariya”nın ulduz oyunçusu Harri Keyni heyətinə qatmaq planları var. Hazırda İngilis hücumçu Kataloniya klubunun marağından xəbərdardır, amma mövsümün sonuna qədər gələcəyi ilə bağlı qərar verməyi düşünmür. Bu transfer cəhdi Barselona üçün vacib bir addımdır, çünki komandanın əsas hücumçusu Robert Levandovskinin müqavilə müddəti mövsümün sonunda başa çatır.

Klub Levandovskinin yerini doldurmaq üçün istedadlı bir hücumçu axtarır. Robert Levandovskinin "Barselona"ya transferi olduqca uğurlu nəticələr verib. Buna görə də klub uzunmüddətli gələcəyə investisiya etmək yerinə, komandaya dərhal töhfə verə biləcək təcrübəli hücumçu almağı nəzərdən keçirir. Keyn bu profilə tamamilə uyğun gəlir və "Barselona" rəhbərliyi onu ideal namizəd sayır.

Transferin reallaşması üçün bəzi çətinliklər var. Keyn "Bavariya"da illik 25 milyon avro qazanır. Bu yüksək məbləğ "Barselona"nın işini xeyli çətinləşdirə bilər. Keynin "Bavariya” ilə 2027-ci ilə qədər müqaviləsi olsa da, onun sözləşməsində 65 milyon avroluq sərbəst qalma bəndi var. Bu şərtlər Keynin İspaniyaya köçməsi üçün həm maaş, həm də transfer qiyməti baxımından ciddi maneələr yaradır.