Azərbaycanlı qız Romada itkin düşdü -FOTO

Azərbaycan vətəndaşı olan Sona Quliyeva Camil qızı İtaliyanın paytaxtı Romada itkin düşüb. Gənc qadının Romaya çatdıqdan qısa müddət sonra əlaqəyə çıxmaması ailəsini və yaxınlarını ciddi şəkildə narahat edir. Axtarışlar başlayıb, lakin hadisənin baş vermə səbəbləri və təfərrüatları hələlik məlum deyil.

Məlumata görə, Sona Quliyeva noyabrın 3-ü gecəsi Bakıdan yola çıxıb. O, Roma hava limanına endiyi zaman özü bu barədə məlumat yayıb. Qız hava limanında qısa bir video paylaşaraq “Romaya çatdım” deyib. Bu mesaj onun sonuncu əlaqəsi olub. Həmin video paylaşıldıqdan sonra gənc qızdan bir daha xəbər almaq mümkün olmayıb, telefonları susub.

İtkin düşən şəxsin tapılması üçün onun fiziki təsviri ilə bağlı ətraflı məlumatlar yayılıb. Sona Quliyevanın fiziki təsviri belədir: boyu təxminən 165 sm, çəkisi təxminən 50 kq. O, arıq bədən quruluşuna malikdir. İtaliya ərazisində itkin düşən bu Azərbaycan vətəndaşının axtarışları davam etdirilir.