Ardanın yerinə dünya ulduzu gəlir

"Real Madrid" komandası "Arsenal"ın ulduz futbolçusu Deklan Raysı transfer etmək niyyətindədir.

Klub rəhbərliyi heyəti gücləndirmək üçün bu gəlişi əsas hədəflərindən biri kimi müəyyən edib. Raysın potensial transferi Avropanın ən böyük transfer söhbətlərindən birinə çevrilib. İngiltərə yığmasının yarımmüdafiəçisi, hazırda "Arsenal"ın əsas fiqurlarından sayılır. İspaniya nəhəngi tərəfindən Raysla müqavilə imzalamaq heyəti daha da gücləndirmək üçün önəmli bir addım kimi planlaşdırılır.

Məlumatlara görə, Deklan Rays "Arsenal"la hələ yeni müqavilə imzalamayıb. İngilis nəhəngi də futbolçunun gedişinə razılıq verib, lakin bunun üçün böyük məbləğ tələb edir. İddia edilir ki, "Arsenal" Raysın azadlığı üçün 150 milyon avro istəyir. Bu, Raysın dəyərinin çox yüksək olduğunu göstərir. Qeyd edək ki, Rays 2023-cü ildə "Vest Hem Yunayted"dən "Arsenal"a 116 milyon avroya transfer olunmuşdu. O, keçən ilki transferindən sonra öz mövqeyində dünyanın ən yaxşı oyunçularından biri hesab edilir.

Əgər "Real Madrid" bu transferi gerçəkləşdirsə, heyətdə ciddi dəyişikliklər gözlənilir. Raysın yarımmüdafiəyə əlavə olunması bəzi mövcud futbolçuların kənarda qalmasına səbəb ola bilər. Bu ssenaridə Arda Güler və ya yarımmüdafiədə yer alan digər futbolçulardan hansısa biri heyətdən kənarlaşdırıla bilər. Klub Raysı transfer etməklə mərkəz xəttini daha da gücləndirməyi planlayır.