5 dəfə təkrarladığı sözlər ilin ən populyar ifadəsi seçildi

Yaponiyada Baş nazir Takaiçi Sanaenin seçki qələbəsindən sonra etdiyi çıxışda işlətdiyi cümlələr ölkədə böyük diqqət çəkib. Onun 5 dəfə təkrarladığı "İşləməyə söz verirəm" ifadəsi, Yaponiyada ilin ən populyar sözü seçilib. T&D Hoken Groups şirkəti ölkə miqyasında "İlin yeni və dəbli ifadələri 2025" müsabiqəsini təşkil edib. Baş nazirin nitqində yer alan həm bu ifadə, həm də "Qadın Baş nazir" sözləri qalib ifadələr kimi müəyyən edildi.

Mükafatlandırma mərasimində danışan Takaiçi, çox çalışmaq və ölkəyə fayda vermək istədiyini vurğuladı. O, bu ifadəni istifadə edərkən əslində vətəndaşları daha çox çalışmağa təşviq etmək məqsədi güdmədiyini bildirib. Buna baxmayaraq, Takaiçi Sanae siyasi lider kimi ölkənin gələcəyinə dair planlarını açıqlayıb. O, güclü iqtisadiyyat, təhlükəsizlik, diplomatiya və yüksək rifaha nail olmaq üçün əlindən gələni edəcəyini söylədi.

Baş nazirin çıxışından çıxan bu sadə, lakin təsirli sözlər 2025-ci ilin Yaponiyada ictimai diskursuna damğa vurdu. Onun qələbə nitqi həm vəzifə öhdəliyi, həm də ölkənin idarə edilməsinə olan şəxsi baxışını əks etdirdi. Bu sözlərin ilin ən populyar ifadəsi seçilməsi, cəmiyyətin onun mesajına verdiyi dəyəri göstərir.