17 il əvvəl yoxa çıxan kişi dağda tapıldı

Bolqarıstanda 17 il əvvəl itkin düşən və 12 ildir ölü hesab edilən bir kişinin ölkənin cənub-qərb hissəsindəki Pirin dağlarında sağ tapılması böyük təəccübə səbəb olub. Bu, onun uzun illər davam edən gizlənməsinin sonu oldu.

Kişi UNESCO-nun Dünya İrsi Siyahısına daxil olan Pirin Milli Parkında aparılan yoxlamalar zamanı aşkar edilib. Milli Park rəsmiləri onu icazəsiz düşərgə qurduğu üçün saxlayıblar. Onlar şəxsin kimliyini təsdiq etmək üçün sənədlərini yoxlamağa çalışdıqda, kişi aqressiv davranış nümayiş etdirib. Bu səbəbdən hadisə yerinə polis qüvvələri çağırılmalı olub.

Polis idarəsinə aparılan şəxsin üzərində heç bir şəxsiyyət vəsiqəsi olmayıb. Aparılan istintaq nəticəsində məlum olub ki, bu adam 2008-ci ildə həm milli, həm də beynəlxalq axtarışa verilib. Onun haqqında ən şok edici detal isə 2013-cü ildə məhkəmə qərarı ilə rəsmi şəkildə ölü elan edilib. On illər boyu "mərhum" sayılan bir şəxsin dağlıq ərazidə sağ tapılması hüquqi vəziyyətdə qarışıqlıq yaradıb.

Hazırda ictimaiyyəti bu şəxsin 17 il ərzində necə sağ qaldığı, harada sığınacaq tapdığı və niyə bu qədər uzun illər dağlarda gizləndiyi sualları maraqlandırır. Onun dağlarda sağ qalması barədə ətraflı məlumat verilməyib. Bu hadisə insan dözümlülüyü və sirli həyat hekayələri baxımından araşdırılacaq böyük bir məsələ olaraq qalır.