Zəngəzur dəhlizi 2030-a qədər açılacaq - Abdulkadir Uraloğlu

Türkiyənin Nəqliyyat və İnfrastruktur naziri Abdulkadir Uraloğlu Zəngəzur dəhlizinin fəaliyyətə başlama tarixi ilə bağlı açıqlama verib. Nazir bildirdi ki, bu layihə 2029-2030-cu illərdə tam şəkildə işlək vəziyyətə gələcək.

Uraloğlu dəhlizin marşrutu və hazırkı tikinti işləri haqqında detalları paylaşıb. O qeyd edib ki, Zəngəzur dəhlizi Türkiyə hissəsində Qarsdan başlayır və Dilucuya qədər uzanır. Türkiyə tərəfində 224 kilometrlik dəmir yolu xətti artıq tamamlanıb.

Nazir qeyd edib ki, Azərbaycan tərəfi də həmin layihənin öz hissəsini Ermənistan sərhədinə qədər inşa edəcək. Türkiyə hökuməti bu layihənin gedişatını yaxından izləyir. Uraloğlu əlavə edib ki, dəhliz tamamlandıqdan sonra Çindən gələn mallar bu marşrutdan tranzitlə keçəcək, beləliklə, Zəngəzur dəhlizi beynəlxalq ticarət üçün mühüm bir yol olacaq.