Yardımlı və Xaçmazda qanunsuz ağac kəsimi: DİN faktları araşdırır

Yardımlı rayonu ərazisində ağacların qanunsuz kəsilməsi barədə fakt aşkarlanıb.

Əldə edilən məlumata görə, hadisə rayonun Bərcan və Porsova kəndlərinin ərazisində qeydə alınıb.

Daxili İşlər Nazirliyinin (DİN) Mətbuat Xidmətinin Lənkəran regional qrupunun baş inspektoru, polis mayoru Məhəmməd Rzayev bildirib ki, faktla bağlı Yardımlı Rayon Polis Şöbəsində prosessual qaydada araşdırma həyata keçirilir.

Araşdırmaların yekununda qanunvericiliyə uyğun olaraq müvafiq hüquqi tədbirlərin görülməsi təmin ediləcəkdir.

*** YENİLƏNMƏ: 17:45 ***

Həmçinin, Xaçmaz rayonunun Nağı Oba və Kiçik Baraxum kəndləri ərazisində də ağacların kəsilməsi faktı qeydə alınıb.

Daxili İşlər Nazirliyi tərəfindən verilən məlumata əsasən, bu fakt üzrə də Rayon Polis Şöbəsində prosessual araşdırma davam edir.

Araşdırmaların nəticələrinə uyğun olaraq qanuni tədbirlərin görüləcəyi gözlənilir.