Yaponiya hökuməti yeni Baş nazirin seçilməsi ərəfəsində istefa verib

Yaponiyada yeni baş nazirin seçilməsi ərəfəsində bütün hökumət istefa verib. Oktyabrın 21-də parlamentin aşağı palatasında keçiriləcək seçkilərdən əvvəl Siqeru İsibanın rəhbərlik etdiyi kabinet tam tərkibdə vəzifədən gedib. Hökumətin Dəftərxanası bu barədə məlumat yayıb.

Qeyd edək ki, İsiba cəmi 386 gün Yaponiyanın Baş naziri postunda çalışmışdı. Hökumətin bu addımı ölkədə yeni siyasi dövrə keçid üçün zəmin yaradır. Bir neçə saatdan sonra parlamentin əsas aşağı palatası növbədənkənar sessiyaya toplanacaq. Bu sessiya zamanı Liberal Demokrat Partiyasının (LDP) yeni sədri Sanae Takaitinin Baş nazir seçilməsi gözlənilir. Əgər bu baş verərsə, o, Yaponiyanın ilk qadın Baş naziri olacaq.

Səsvermədən bir gün əvvəl LDP mühüm siyasi uğur qazandı. Parlamentdə çoxluğa malik olmayan LDP, mühafizəkar Takaitinin seçilməsinə zəmanət verən "Yaponiya Yeniləşmə Cəmiyyəti" Partiyası ilə alyans yaratmağa nail olub. Bu razılaşma nəticəsində Takaitinin baş nazir seçilməsi təmin edilir. Sanae Takaiti seçildikdən sonra gün ərzində yeni hökuməti formalaşdırmağa başlayacaq. Yaponiya mətbuatının yazdığına görə, 2019-2021-ci illərdə bu vəzifədə olan Tosimitsu Moteqinin xarici işlər naziri olacağı gözlənilir. Moteqi əvvəl LDP seçkilərində Takaitinin rəqiblərindən biri idi.