"Virat" tankeri Türkiyə sahilləri yaxınlığında dron hücumuna məruz qalıb

Qambiya bayrağı altında üzən "Virat" neft tankeri Türkiyə sahilləri yaxınlığında pilotsuz aparatların təkrar hücumuna məruz qalıb. Bu, gəminin qısa müddət ərzində qarşılaşdığı ikinci insident oldu.

NTV-nin məlumatına görə, şənbə günü baş verən hücum nəticəsində tankerin sağ bortunda, su xəttindən yuxarı hissədə kiçik zədələr aşkar edilib. Bu zədələr pilotsuz dəniz aparatlarının yeni hücumu nəticəsində yaranmışdı.

Bundan əvvəl, ötən gecə tankerdə yanğın baş vermişdi. Həmin yanğının da pilotsuz uçuş aparatı ilə vurulma nəticəsi olduğu güman edilmişdi. İlk təhlükə səbəbindən gəmidə olan 20 nəfərlik heyət tam şəkildə təxliyə edilmişdi.

Türkiyənin Nəqliyyat Nazirliyi tankerin hücuma məruz qalması barədə məlumatı təsdiqlədi. Qurumun açıqlamasında bildirilir ki, gəmiyə səhər saatlarında yenidən hücum edilib və sağ bortda kiçik zədələr var. Mövcud məlumata görə, gəmidə yanğın yoxdur, heyətin səhhəti yaxşıdır. Xilasetmə qrupları gəmidən heç bir müraciət daxil olmadığı üçün təhlükəsiz məsafədə gözləməyə davam edirlər.