Ukraynalılar sülh istəyirlər - Marko Rubio

ABŞ rəsmisi Marko Rubio Florida ştatında Ukrayna nümayəndə heyəti ilə görüş zamanı çıxış edərək, Birləşmiş Ştatların əsas məqsədinin Ukraynada müharibəyə tamamilə son qoymaq olduğunu bəyan edib.

O bildirib ki, müharibənin bitməsi çox vacibdir, çünki dünyada hər kəs qətllərin, ölümlərin və bütün bu əzabların bitməsini arzu edir. Rubio əminliklə deyir ki, ukraynalılar da sülhə nail olmaq istəyirlər. Onun sözlərinə görə, bu məqsəd sadəcə hərbi əməliyyatları dayandırmaqdan ibarət deyil.

Dövlət katibi əlavə edib ki, əsl məqsəd, ölkənin müstəqil və suveren qalmasına, bir daha müharibəyə başlamamasına və xalq üçün böyük rifah yaratmağa imkan verən bir inkişaf yolu və mexanizmi tapmaqdır. Yəni hədəf təkcə ölkənin bərpası deyil, həm də iqtisadi tərəqqi dövrünə keçiddir. Rubio hesab edir ki, Ukrayna böyük iqtisadi imkanlara malikdir. O vurğulayıb ki, Ukraynanın əsl rifah üçün böyük potensialı var.