Türkiyədə azərbaycanlı fəhlələr inşaat zamanı xəsarət alıblar, ölən var

Türkiyənin İğdır şəhərində Azərbaycan əsilli iki fəhlə tikinti sahəsində ağır qəzaya düşüb. Onlar işlədikləri binada liftin şaxtasına yıxılıblar. Hadisə İğdırın Topçular məhəlləsində qeydə alınıb. Dərhal əraziyə AFAD əməkdaşları və xilasedicilər cəlb olunub. Yaralılar tez bir zamanda xilas edilərək xəstəxanaya çatdırılsa da, fəhlələrdən biri, Babək N., aldığı ağır xəsarətlər nəticəsində dünyasını dəyişib. Digər yaralının müalicəsi davam edir, bu bədbəxt hadisə ölkə gündəminə çevrilib.

Qəza zamanı lift şaxtasına yıxılan şəxslər Babak N. və Sənan F. olublar. Hadisə baş verdikdən sonra xilasedicilər hər iki fəhləni qaldıqları yerdən çıxarıblar. Onlar təcili tibbi yardım maşını ilə birbaşa İğdır Dövlət Xəstəxanasına aparılıblar. Həkimlər dərhal onlara tibbi yardım göstərməyə başlayıb. Lakin Babək N.-in xəsarətləri həyati təhlükə yaradırdı və bütün səylərə baxmayaraq, onu xilas etmək mümkün olmayıb.

Hazırda digər yaralı fəhlə, Sənan F.-in xəstəxanada müalicəsi hələ də davam edir. Onun səhhəti ilə bağlı tam məlumat verilməsə də, həkimlər onun vəziyyətini stabilləşdirməyə çalışırlar. Bu kədərli hadisə ilə bağlı yerli hüquq-mühafizə orqanları araşadırma aparırlar. Bu istintaqın tikinti sahəsində təhlükəsizlik standartlarının pozulub-pozulmadığını müəyyən etməsi gözlənilir.