Türkiyədə 27 mərtəbəli hoteldə yanğın olub, zərərçəkənlər var

Türkiyənin İstanbul şəhərində yerləşən hotellərdən birində yanğın hadisəsi baş verib. Bu hadisə şəhərin Sultanzagidəki 27 mərtəbəli hoteldə qeydə alınıb. Yanğın barədə məlumat daxil olan kimi hadisə yerinə yanğınsöndürənlər, polis qüvvələri və təcili yardım işçiləri cəlb ediliblər. Bina içərisində olan bütün yerli və xarici turistlər təhlükəsizlik məqsədilə təxliyə edilib.

Təəssüf ki, yanğın nəticəsində xəsarət alanlar olub. İlkin məlumata görə, dörd nəfər tüstüdən zəhərlənib. Zərərçəkənlər dərhal lazımi tibbi yardım almaları üçün xəstəxanalara çatdırılıb. Yanğın qısa müddət ərzində yanğınsöndürənlərin müdaxiləsi ilə tamamilə söndürülüb.

Hazırda hadisənin hansı səbəbdən baş verdiyi hələlik məlum deyil. Faktla bağlı müvafiq araşdırma aparılır.