Türkiyə Fubtol Federasiyası 100-dən çox futbolçunu diskvalifikasiya edib

Türkiyə Futbol Federasiyası (TFF) qanunsuz mərc oyunlarında iştirak etdikləri üçün 102 futbolçunu diskvalifikasiya edib. Federasiyanın yaydığı məlumata görə, bu geniş miqyaslı cəza ölkə futbolunda dürüstlüyü qorumaq məqsədi daşıyır. Bu qərardan sonra futbolçuların peşəkar karyeraları müxtəlif müddətlərdə dayandırılıb, sanksiyalar isə bir neçə məşhur adı əhatə edir.

Diskvalifikasiya müddətləri fərqlidir, ən qısa cəza 45 gün, ən uzun cəza isə 1 il (12 ay) təşkil edir. Futboldan 12 aylıq müddətə uzaqlaşdırılan oyunçular arasında tanınmış simalar yer alır. Bunlara qapıçılar Əli Şaşal Vural (“Sivasspor”) və Orkun Özdemir (“Boluspor”), yarımmüdafiəçi Oktay Aldın (“Amed”), müdafiəçi Abdülsamed Burak (“Kayserispor”) və senegallı hücumçu Alassan Nado (“Konyaspor”) daxildir. Türkiyə Futbol Federasiyası (TFF) tərəfindən verilən bu qəti qərar qanunsuz mərc oyunları ilə mübarizənin peşəkar futbol üçün vacib olduğunu göstərir.