Tramp: Avropadakı ABŞ qoşunlarının ümumi sayı dəyişməz olaraq qalır

ABŞ Prezidenti Donald Tramp bildirib ki, Amerika qoşunlarının Avropadakı ümumi sayı hələlik dəyişməz olaraq qalır. Bu bəyanat ABŞ hərbçilərinin bir hissəsinin Rumıniyadan çıxarılması fonunda verilib.

Tramp bu açıqlamanı Ağ Evdə Macarıstanın Baş naziri Viktor Orbanla görüşdən əvvəl jurnalistlərin suallarını cavablandırarkən verib. Prezident, əslində, sadəcə yer dəyişdirmə prosesinin getdiyini vurğulayıb. Rumıniyadan çıxarılan ABŞ hərbçilərinin mövzusuna toxunan Tramp, "Biz dəyişikliklər edirik. Qoşunları köçürürük. Lakin söhbət eyni ümumi saydan gedir. Sadəcə insanları yerini dəyişirik," deyə qeyd edib.

O, həmçinin bu qərarın Pentaqonun özbaşına qəbul etdiyi bir addım olmadığını xüsusi vurğulayıb. Prezident, Müdafiə Nazirliyinin rəhbərlərinin onun göstərişlərini nəzərə almamazlıq etmədiklərini bildirib. Öz növbəsində, ABŞ müharibə naziri Pit Heqset də bu məsələyə aydınlıq gətirib. O, Ağ Ev ilə tam koordinasiya olunmadan heç bir addımın atılmadığını təsdiqləyib.

Heqsetin sözlərinə görə, bu addım ABŞ-ın Avropa barədə fikrinin bir hissəsidir. Pentaqon rəhbəri izah edib ki, ABŞ qoşunları Rumıniyada qalmağa davam edəcək, lakin rotasiya qaydasında və sayında dəyişikliklər var. ABŞ bu addımları Buxarest və NATO ilə razılaşdırıb və hamı əvvəlcədən məlumatlandırılıb.