Suriya lideri bir çox sahədə ABŞ-dən dəstək gözləyir

Suriya Prezidenti Əhməd əş-Şaranın rəhbərlik etdiyi yeni hökumət ABŞ-yə səfər edib. Şam rəhbərliyi bu səfər zamanı iqtisadiyyat, infrastruktur və təhlükəsizlik sektorlarında Vaşinqtondan dəstək almaq niyyətindədir. Hazırkı Şam hakimiyyəti ölkənin yenidən qurulmasına diqqət yetirir. Bu səbəbdən, ABŞ investisiyalarının cəlb edilməsi onların əsas məqsədlərindəndəndir. Bu investisiyalar enerji, infrastruktur və təhlükəsizlik sahələrində əməkdaşlıq üçün zəmin yarada bilər.

Suriya hökumətinin ABŞ-dən gözləntiləri konkret xarakter daşıyır. Onlar ilk növbədə, Birləşmiş Ştatların Şam rejiminə tətbiq etdiyi sanksiyaları qaldırmasını istəyirlər. Sanksiyalar aradan qaldırılarsa, ABŞ şirkətlərinin Suriyaya investisiya qoyması mümkün olacaq. Bu, ölkənin iqtisadi dirçəlişi üçün əhəmiyyətli addım hesab edilir.

İqtisadiyyatla yanaşı, təhlükəsizlik sahəsində də əməkdaşlığın dərinləşdirilməsi Suriya üçün önəmlidir. Suriya hökuməti ABŞ ilə terror qruplarına qarşı mübarizədə əməkdaşlığı genişləndirməyi planlayır. Bu terror qrupları Suriyada fəaliyyət göstərib. Şara rəhbərliyindəki yeni Suriya hökuməti müxtəlif sahələrdə kömək almaq üçün ABŞ-la danışıqları davam etdirir. Bu cür dəstək ölkənin tam bərpasında mühüm rol oynaya bilər.