Serbiyada terror həyəcanı: bütün dəmir yolları reysləri dayandırılıb

Serbiyada ölkə daxilində terror təhdidi yarandığına görə, bütün dəmir yolu reysləri tamamilə dayandırılıb. Bu fövqəladə vəziyyət, sərnişin və yük daşımalarının təhlükəsizliyini təmin etmək məqsədi ilə elan edilib.

Ölkənin dəmir yollarının mətbuat xidməti bu barədə rəsmi bəyanat yayıb və bu kəskin qərarı təsdiqləyib. Daxil olan məlumatlar potensial terror hücumunun hazırlanmasından xəbər verirdi. Bu vəziyyət təhlükəsizlik orqanlarını dərhal hərəkətə keçməyə və ölkənin əsas nəqliyyat sistemini bağlamağa məcbur etdi.

Terror hücumunun hazırlanması ilə bağlı informasiya xüsusi bir vaxt- Novi-Sad faciəsinin ildönümü ərəfəsində daxil olub. Məhz bu həssas ərəfədə təhlükəsizlik siqnallarının gəlməsi vəziyyəti daha da gərginləşdirib. Baxmayaraq ki, bütün dəmir yolu nəqliyyatı dayandırılıb, potensial terror hücumunda konkret hansı obyektlərin hədəfə alındığı barədə hələ də məlumat yoxdur. Dəmir yolu xidməti bu təfərrüatları açıqlamayıb. Nəqliyyatın bərpası yalnız təhlükənin tam aradan qalxmasından sonra mümkün olacaq.