Növbəti köç karvanı Xocalının Təzəbinə kəndinə çatıb, açarlar təqdim olunub - YENİLƏNİB - FOTO

Xocalı rayonunun Təzəbinə kəndinə növbəti köç uğurla başa çatıb. Bu mərhələdə ümumilikdə 17 ailə, yəni 72 nəfər öz doğma yurdlarına qayıdıb. Geri dönən sakinlərin hər birinə yeni tikilmiş mənzillərin açarları təntənəli şəkildə təqdim edilib. Bu köç böyük Vətənə qayıdış proqramının tərkib hissəsidir.

Qeyd edilir ki, Təzəbinəyə köçən ailələr əvvəllər respublikanın fərqli yerlərində müvəqqəti məskunlaşmışdılar. Onlar əsasən yataqxanalarda, sanatoriyalarda və inzibati binalarda yaşayırdılar. İllər sonra həyata keçirilən bu köçlə, həmin ailələr normal yaşayış şəraitinə qayıtmaq imkanı qazanıblar.

Mərasimdə çıxış edən Prezidentin Xankəndi şəhərində, Ağdərə və Xocalı rayonlarında xüsusi nümayəndəsinin müavini Səbuhi Qəhrəmanov görülən işlər barədə məlumat verib. O bildirib ki, hər iki kənddə müasir infrastruktur qurulub. S. Qəhrəmanov vurğulayıb ki, bərpa-quruculuq işləri planlı şəkildə davam edir; müasir yaşayış evləri, məktəb, sosial obyektlər, habelə mühəndis-kommunikasiya xətləri və yeni yollar istifadəyə verilib. O əlavə edib ki, sakinlərin rahat yaşayışının, sosial rifahının və məşğulluğunun təmin edilməsi dövlətin əsas prioritetlərindən hesab olunur.