Nazir: Tamştatlı müəllim konseptini Azərbaycan məktəblərinə gətirmək üzərində işləyirik

Elm və Təhsil Nazirliyi müəllimlərin əmək ödənişi sistemində mühüm dəyişikliklər planlaşdırır. Nazir Emin Əmrullayev açıqlamasında bildirib ki, mövcud saat hesabı ilə ödəniş sistemi saxlanılsa da, alternativ olaraq Azərbaycan məktəblərinə tam ştatlı müəllim konseptini gətirmək üzərində işləyirlər.

Nazirin sözlərinə görə, bu təşəbbüsün əsas məqsədi Azərbaycan müəlliminin məktəbin tam hüquqlu hissəsi olduğunu hiss etməsidir. Yeni hesablanma mexanizmi ilə hansı problemlərin həll ediləcəyi barədə yaxın günlərdə geniş ictimai məlumatlandırma aparılacaq. Nazirlik xüsusi izahat verməyi planlayır ki, müxtəlif spekulyasiyalara və əsassız şərhlərə ehtiyac qalmasın.

Əmək ödənişi ilə bağlı məsələlər sadə deyil, deyən nazir, hazırda üzərində işlənilən yanaşmanın bəzi vacib meyarlarını qeyd etdi. Əsas məqsəd tam ştatlı müəllimin əməkhaqqının ölkə üzrə orta əməkhaqqından ən azı iki dəfə yüksək olmasını təmin etməkdir. O izah etdi ki, hazırkı statistika yanlış təsəvvür yaradır, çünki bu, 4-6 saat dərs yükü olan müəllimlərin əməkhaqqını ümumi göstəriciyə daxil edir. Eyni zamanda, müəllimin məcburi olaraq maaşını artırmaq üçün daha çox dərs saatı götürməsi mexanizmi də doğru deyil və dəyişdirilməlidir. Nazir qeyd etdi ki, bu, bir günlük proses deyil. Konsept ictimaiyyətə təqdim edilib ki, geniş və konstruktiv fikir mübadiləsi aparılsın.