Naxçıvanda avtomobillə avtobus toqquşub, xəsarət alanlar var

Naxçıvan şəhərində baş verən ağır yol qəzasında üç nəfər xəsarət alıb. Hadisə şəhərdaxili marşrut avtobusu ilə minik avtomobilinin toqquşması nəticəsində qeydə alınıb. Bu hadisə Naxçıvan şəhərinin Xətai məhəlləsində baş verib.

Qəzada “KIA” markalı minik avtomobili ilə 9 nömrəli şəhərdaxili marşrutun avtobusu toqquşub. Yaralanan şəxslərin hamısı Naxçıvan şəhər sakinləridir. Bunlar 1987-ci il təvəllüdlü Abdullayeva Təhminə Qəhraman qızı, 1987-ci il təvəllüdlü Qafarova Lamiyə Rüfət qızı və 1981-ci il təvəllüdlü Vəliyeva Vəfa Hüseyn qızıdır. Xəsarət alan şəxslər dərhal ilkin tibbi yardım almaq üçün Naxçıvan Muxtar Respublika Xəstəxanasının acil şöbəsinə yerləşdiriliblər.

Qəza ilə bağlı əraziyə polis əməkdaşları cəlb olundu. Onlar hadisə yerində zəruri tədbirləri gördülər. Hazırda bu yol-nəqliyyat hadisəsinin faktı ilə bağlı araşdırma işləri davam edir.