Naxçıvan regional iqtisadi diplomatiyanın yeni platformasına çevrilir - Ceyhun Cəlilov

Naxçıvan Muxtar Respublikasında (NMR) “2-ci Azərbaycan–Türkiyə Regional İqtisadi Forumu” keçirilib. Forumda çıxış edən Azərbaycan Respublikası Prezidentinin NMR-dəki səlahiyyətli nümayəndəsi Ceyhun Cəlilov bölgənin strateji əhəmiyyətinin artdığını bildirib.

Cəlilovun sözlərinə görə, Naxçıvan Türk dünyasının mühüm coğrafi mərkəzlərindən biridir. Bu gün Muxtar Respublika yeni bir iqtisadi əməkdaşlıq platformasına çevrilir. Bu tədbir dövlət başçılarının müəyyən etdiyi siyasi kursun ardıcıl davamıdır.

O vurğuladı ki, iki ölkə arasındakı siyasi birliyin güclənməsi iqtisadi tərəfdaşlığın da inkişafına səbəb olur. Naxçıvanın regional diplomatiyada artan rolu, onun gələcək iqtisadi inkişafda mərkəzi rol oynaması deməkdir.