NASA Marsın maqnitosferini öyrənmək üçün iki peyk buraxıb

"Blue Origin" şirkətinə məxsus "New Glenn" raketi NASA-nın həyata keçirdiyi "EscaPADE" missiyası çərçivəsində iki peyki uğurla orbitə çıxardı. Bu vacib missiyanın əsas məqsədi Mars planetinin ətrafındakı məkanı araşdırmaqdan ibarətdir. Peyklər xüsusilə planetin atmosfer və su ehtiyatlarının necə yox olduğunu izah etmək üçün buraxılıb. Raketin istehsalçısı olan "Blue Origin" şirkəti buraxılışın uğurlu başa çatması barədə rəsmi məlumat yayıb.

Raket cümə axşamı günü, Şərq vaxtı ilə saat 15:54-də havaya qalxıb. Buraxılış əməliyyatı Florida ştatında yerləşən Kanaveral burnunun Hərbi Hava Qüvvələri bazasındakı 36 nömrəli Buraxılış Kompleksindən yerinə yetirilib.

Berklidəki Kaliforniya Universitetində hazırlanmış zondlar EscaPADE (Escape and Plazma Acceleration and Dynamics Explorers) adını daşıyır. Bu elmi cihazlar Mars orbitinə 2027-ci ilin sentyabr ayında daxil olacaq. Missiya sayəsində Marsa yaxın məkan dərindən öyrəniləcək, bu da alimlərə suyun və atmosferin itmə səbəbini anlamağa kömək edəcək.