Misli Premyer Liqasında X turun növbəti oyunları keçiriləcək

Bu gün Misli Premyer Liqasının X turu çərçivəsində iki görüş baş tutacaq. Bu oyunlar həm liderlər qrupu, həm də turnir cədvəlinin ortasında ciddi dəyişikliklərə səbəb ola bilər.

Günün ilk qarşılaşması saat 16:00-da başlayacaq. Bu oyunda “Turan Tovuz” öz doğma meydanında “Şamaxı” komandasını qəbul edəcək. Daha sonra isə "Sumqayıt" klubu saat 18:30-da start götürəcək matçda “Araz-Naxçıvan”ı qəbul edəcək.

Bu görüşlər komandaların mövqeləri baxımından mühüm əhəmiyyət daşıyır. Turnir cədvəlinə əsasən, 18 xal toplayan “Turan Tovuz” 3-cü yerdə yerləşir və liderlər qrupundadır. Onların rəqibi “Şamaxı” isə hazırda 10 xalla 9-cu pillədə qərarlaşıb.

Digər oyunda mübarizə aparan komandalar da yuxarı sıralar uğrunda yarışır. “Araz-Naxçıvan” 16 xalla 4-cü, “Sumqayıt” klubu isə 14 xalla 5-ci yerdədir. Bu nəticələr komandaların ilk beşlikdəki mövqelərini dəqiqləşdirəcək. Günün proqramı aşağıdakı kimidir:

16:00. “Turan Tovuz” - “Şamaxı”

18:30. “Sumqayıt” - “Araz-Naxçıvan”