MDB-yə üzv dövlətlərin beynəlxalq film festivalı hazırlanır

Müstəqil Dövlətlər Birliyinə (MDB) üzv ölkələr üçün beynəlxalq film festivalının təşkilinə hazırlıq görülür. Bu barədə MDB iştirakçısı olan dövlətlərin Dövlətlərarası Humanitar əməkdaşlıq Fondunun icraçı direktoru Tahir İxanov məlumat verib.

İxanov bu açıqlamanı Mədəniyyət Nazirliyinin və Azərbaycan Prezidentinin Laçın rayonundakı xüsusi nümayəndəliyinin təşkil etdiyi dəyirmi masada çıxışı zamanı səsləndirib. Dəyirmi masa "MDB ölkələrində müasir kino istehsalının inkişafı" mövzusuna həsr edilmişdi. Tahir İxanov qeyd edib ki, bu yeni festival üzv ölkələrin kino sənayesi sahəsinə böyük dəstək olacaq.

O əlavə edib ki, MDB-yə üzv ölkələrdə fərqli beynəlxalq kino tədbirləri keçirilir. Həmin tədbirlər kino sənayesi sahəsinin inkişafına təkan verir. Yeni beynəlxalq festivalın da bu mədəni əməkdaşlıq trendini davam etdirəcəyi bildirilir.