Maria Chiara Malaguti: Arbitraj mərkəzi məhkəmə sistemi ilə sıx işləməlidir

UNIDROIT-in keçmiş prezidenti Maria Chiara Malaguti, istənilən arbitraj mərkəzinin məhkəmə sistemi ilə mütləq sıx işləməli olduğunu bildirib. O qeyd edib ki, bu əməkdaşlıq sayəsində hər iki sistem bir-birini tamamlayır və daha effektiv fəaliyyət göstərir. Malaguti bu fikirləri Bakı Arbitraj Mərkəzinin açılış mərasimindəki çıxışı zamanı səsləndirib.

Malaguti vurğulayıb ki, arbitraj sadəcə məhkəmə sistemini tamamlayan bir vasitə deyil, həm də mübahisələrin həlli üçün alternativ seçim imkanı verir. O, hazırda sərmayələrlə bağlı arbitraj sahəsində mühüm islahatların aparıldığını qeyd edib. Bu gün bir çox siyasi alətlər və dövlət qurumları arbitraj mərkəzlərinin yaranması üzərində işləyirlər.

Maria Chiara Malaguti bu mexanizmlərin əhəmiyyətini konkret misallarla göstərib. O əlavə edib ki, bu gün tikinti sahəsində yaranan mübahisələrin böyük hissəsi məhz arbitraj mexanizmləri sayəsində həllini tapır. Arbitraj mərkəzləri məhkəmə sistemi ilə daimi əlaqədə olduqda, onların fəaliyyət dairəsi genişlənir və mübahisələrin daha sürətli həllinə yardım edir.