Maldiv adaları dünyada siqaret qadağası tətbiq edən ilk ölkə olub

Maldiv adaları dünyada yeni nəsil üçün tütün məhsullarına qadağa tətbiq edən yeganə ölkə statusunu qazanıb. Bu addım gələcək nəsilləri siqaretin zərərli təsirlərindən qorumağı hədəfləyir.

Qadağa 1 noyabr 2025-ci il tarixindən qüvvəyə minir. Həmin tarixdən etibarən 1 yanvar 2007-ci ildən sonra doğulan vətəndaşların tütün məhsullarını alması, istifadə etməsi və ya əldə etməsi qəti qadağan edilir. Bu məhdudiyyət bütün növ tütün məmulatlarına şamil edilir və pərakəndə satıcılar alıcının yaşını yoxlamaq öhdəliyi daşıyırlar. Həmçinin, bu tədbirlər adalara gələn turistlərə də tətbiq olunur. Yaşından asılı olmayaraq, elektron siqaretlərə və veyplərə qoyulan tam qadağa isə qüvvədə qalır. Qaydalara riayət etməyənlər üçün cərimələr tətbiq ediləcək. Bu qanun Maldiv adaları tərəfindən atılan sağlamlıq üçün çox əhəmiyyətli bir addımdır.

Qeyd edilir ki, Yeni Zelandiya bu cür bir qanunu qəbul edən ilk ölkə ola bilərdi. Yeni Zelandiya qanunu 2024-cü ilin iyulunda qüvvəyə minməli idi. Lakin 2023-cü ilin noyabr ayında yeni hökumət vergi endirimlərini maliyyələşdirmək məqsədilə həmin qanunu ləğv etdi. Nəticədə siqaret qadağası tətbiq etməkdə qabaqcıl rol Maldiv adalarının üzərinə düşdü.