London klubu futbolçusu ilə yollarını ayırmaq istəyir

İngiltərənin "Tottenhem" klubu 28 yaşlı futbolçusu Dominik Solanke ilə yollarını ayırmağa hazırlaşır. London təmsilçisi forvardın komandadakı çıxışından razı deyil. Klub rəhbərliyi, futbolçunun uzunmüddətli müqaviləsinə baxmayaraq, onun transferi üçün variantlara baxır.

"Football Insıder" nəşrinin məlumatına görə, baş məşqçi Tomas Frank hücumçunun göstəricilərindən narazıdır. Solankenin meydandakı çıxış səviyyəsi gözləntiləri qarşılamayıb. Üstəlik, forvardın tez-tez zədələnməsi də klubun qərarına ciddi təsir göstərib. Bu səbəblər "Tottenhem"in onunla əməkdaşlığı dayandırmaq istəyinə səbəb olur.

Dominik Solankenin cari mövsümdəki statistikası da zəif görünür. O, 2025/2026 mövsümündə cəmi üç oyunda meydana çıxıb, lakin bu qarşılaşmalarda qol vura bilməyib. Maraqlıdır ki, hücumçu Solankenin London klubu ilə müqaviləsi hələ 2030-cu ilin yayına qədər davam edir. Klub rəhbərliyi yaxın vaxtlarda futbolçunun satışını həyata keçirməyə çalışacaq.