Kosova Aİ-yə üzvlük müraciətinin qəbul olunmasını tələb edib

Kosova Avropa İttifaqı (Aİ) üzvlüyü üçün verdiyi müraciətin Avropa Komissiyası tərəfindən gecikmədən işlənməsini tələb edir. Bu barədə Kosovo Prezidenti Vjosa Osmani bəyanat verib.

Prezident Osmani ölkəsinin Aİ-yə üzvlük üçün 15 Dekabr 2022-ci ildə müraciət etdiyini xatırladıb. Osmani bildirib ki, o vaxtdan bəri Kosova rəsmən prosesin başlanmasını gözləyir.

Osmani ölkənin əldə etdiyi tərəqqiyə xüsusi diqqət yetirib. O vurğulayıb ki, Kosova Qərb Balkan regionundakı digər ölkələrlə müqayisədə kifayət qədər irəliləyiş nümayiş etdirib. Buna baxmayaraq, Prezident qeyd edib ki, Aİ tərəfindən bu nailiyyətlərə müvafiq cavab addımı atılmayıb. O, Komissiyanın müraciəti rəsmən nəzərdən keçirməyə başlamasını istəyir.