Kiyevin böyük bir hissəsi işıqsız qalıb

Ötən gecə Ukraynanın paytaxtı Kiyev şəhəri və Kiyev vilayətində elektrik enerjisi təchizatı obyektləri raket və dron hücumlarına məruz qalıb. Bu zərbələr Ukrayna paytaxtında geniş yayılmış elektrik enerjisi kəsintilərinə səbəb oldu. Şəhərin meri Vitaliy Kliçko "Telegram" kanalında bildirib ki, bombardmandan sonra şəhərin qərb hissəsi işıqsız qalıb.

KİV məlumatlarına görə, Rusiyanın “Geran” pilotsuz uçuş aparatlarının hücumları nəticəsində Kiyevdə onlarla partlayış qeydə alınıb. Bu hücumlardan biri birbaşa 5/6 İstililk Elektrik Stansiyasına tuş gəldi. Bu hədəfə alınma paytaxt ərazisində elektrik enerjisinin verilişində ciddi kəsintilərə səbəb oldu.

Hücumlar yalnız elektrik təchizatını pozmayıb, həm də fiziki dağıntıya səbəb olub. Kiyevin Qoloseyevski və Solomyanski rayonlarında qalıqların yaşayış üçün nəzərdə tutulmayan binalara və açıq ərazilərə düşməsi nəticəsində yanğınlar baş verib. Bu hadisələr infrastruktur obyektlərinə edilən davamlı hücumların nəticəsini göstərir.