İslamiada: Azərbaycanın 3x3 basketbol millisi mübarizəyə başlayır

Azərbaycanın qadınlardan ibarət 3x3 basketbol millisi Səudiyyə Ərəbistanının paytaxtı Ər-Riyadda təşkil olunan VI İslam Həmrəyliyi Oyunlarında bu gün mübarizəyə başlayır.

Yığma komanda qrup mərhələsində iki oyun keçirəcək. Birinci qarşılaşma Bakı vaxtı ilə saat 17:00-da meydan sahibləri ilə baş tutacaq. Növbəti görüş isə saat 21:10-da Türkiyə yığmasına qarşı olacaq. Azərbaycanın 3x3 basketbol millisinin bu oyunları yarışın ilk günündə böyük maraq doğurur.

Komanda idman növlərində həndbol üzrə Azərbaycan millisi də bu gün meydana çıxır. Onlar Qazaxıstan kollektivi ilə münasibətlərə aydınlıq gətirəcəklər. Bu qrup matçı Bakı vaxtı ilə saat 14:00-da start götürəcək.

Fərdi yarışlarda da ölkəmizin idmançıları fəaldır. Taekvondoçulardan Nərgiz Kazımova (63 kq), Riyad Şirəliyev (67 kq) və Eltac Qafarov (+83 kq) dayanq üzərinə çıxacaqlar. Atletika yarışlarında paraatlet Samir Nəbiyev (F57) nüvə atma, atlet Yekaterina Sarıyeva isə üçtəkanla tullanmada bacarığını göstərməyə çalışacaq. Qılıncoynatmanın şpaqa növündə Ruslan Həsənov, Vahab Fətullayev, sablya növündə isə Palina Kaspiaroviç və Səbinə Kərimova mübarizə aparacaqlar.

İslamiada noyabrın 21-də başa çatacaq. Hazırda Azərbaycan 42 mükafatla medal sıralamasında 9-cu pillədə qərarlaşıb. Ölkəmiz indiyədək 5 qızıl, 14 gümüş, və 23 bürünc medal əldə edib.