“iPhone 17”nin gizli funksiyası aşkarlanıb

Texnologiya mütəxəssisləri “iPhone 17” smartfonlarının gözlənilən xüsusiyyətləri haqqında yeni məlumat yayıblar. Bildirilir ki, bu modeldə internet sürəti “Apple”ın digər smartfonları ilə müqayisədə 40 faiz daha yüksək olacaq. Bu böyük fərq yalnız bəzi şəbəkələrdə deyil, dünyanın müxtəlif bölgələrində və fərqli şəbəkələrə qoşulduqda belə aydın görünür.

Yeni “iPhone 17” seriyası mobil cihazların sürətinə görə “iPhone 16” xəttini xeyli geridə qoyur. Mütəxəssislər bu ciddi sürət artımını cihazlara quraşdırılmış yeni “N1” çipi ilə əlaqələndirirlər.

“Ookla” şirkətinin mütəxəssisi Lük Kixo bu iddiaları təsdiqləyib. Kixo bildirib ki, “N1” prosessoru vasitəsilə yükləmə və ötürmə üzrə orta göstəricilər əvvəlki modelə nisbətən qlobal səviyyədə 40 faiz yüksək olub. Bu məlumatlar göstərir ki, “Apple” növbəti nəsil telefonlarında şəbəkə bağlantısının performansına böyük diqqət yetirir.