HƏMAS-ın tunellərinin təxminən 60 faizi hələ də mövcuddur - İsrailin müdafiə naziri

İsrailin müdafiə naziri İsrael Katz Qəzza zolağında HƏMAS-ın tunel şəbəkəsinin vəziyyəti haqqında vacib məlumatları açıqlayıb. Nazir bildirib ki, HƏMAS-a məxsus tunellərin təxminən 60 faizi hələ də mövcuddur və bu yeraltı infrastrukturu tamamilə məhv etmək lazımdır.

Katz qeyd edir ki, İsrail Müdafiə Qüvvələrinin (IDF) Qəzzada HƏMAS üzərində qazandığı böyük uğuru möhkəmləndirməyin yeganə yolu qalan tunelləri dağıtmaqdır. Əsas strateji məqsəd zolağın silahsızlaşdırılması və bunun vasitəsilə HƏMAS-ın tərksilah edilməsidir. Bu hədəfə çatmaq üçün qalan tunellər tamamilə məhv edilməlidir.

Nazir həmçinin nəzarətdə saxladıqları “sarı zona”da hərbçilər üçün mövcud olan tunellərin dağıdılmasını prioritet məsələ kimi müəyyən edib. Bu işlər terror təşkilatının gizlənmə və əməliyyat aparma imkanlarını tamamilə əlindən almaq üçün aparılır.