Fransada Tesla diler mərkəzində güclü yanğın baş verib

15.11.2025 04:55 9 baxış sayı 1 dəq. oxuma Trend

Avtomobil

Fransanın Marsel şəhəri yaxınlığındakı Penn-Mirabo qəsəbəsində yerləşən Tesla diler mərkəzində güclü yanğın baş verib. Bu hadisə nəticəsində onlarla elektrik avtomobili məhv olub. Yanğın diler mərkəzinə ciddi ziyan vursa da, xoşbəxtlikdən xəsarət alan olmayıb.

Alovun söndürülməsi üçün təxminən 50 yanğınsöndürən bütün gecə boyu çalışıb. Onlar yanğının yaxınlıqdakı binalara və ətrafdakı avtomobillərə yayılmasının qarşısını almağa nail olublar. Yanğının səbəbi hələlik dəqiq müəyyənləşdirilməyib, lakin polis hadisə ilə bağlı araşdırmalara başlayıb.

Polis mərkəzin arxa hissəsindəki hasarın kəsilmiş olduğunu bildirib. Bu fakt yanğının qəsdən törədilməsi ehtimalını artırır. İstintaqçılar hazırda bunun bədbəxt hadisə, yoxsa bilərəkdən törədilmiş bir hərəkət olduğunu aydınlaşdırmaq üçün əlavə dəlillər toplayır.

Cavid Əsgərov

Motor idmanları müxbiri

Formula 1, avtomobil yarışları və motor idmanları üzrə yazıram. Bakıda Formula 1 yarışları keçirilməyə başlayandan bəri bu maraq daha da böyüyüb.

Bütün məqalələrə baxın