Fici sahillərində 5,2 maqnitudada zəlzələ olub

Fici Respublikasının şərq hissəsində 5,2 maqnitudalı zəlzələ qeydə alınıb. Bu hadisə barədə məlumatı Avstraliyanın Dövlət Geologiya Xidməti yayıb.

Zəlzələnin episentri okean sularında, təxminən 77 min insanın yaşadığı Suva şəhərindən 300 kilometr şərqdə yerləşirdi. Zəlzələ ocağının yerləşmə dərinliyi isə 580 kilometr dərinlikdə qiymətləndirilir. Sevindirici haldır ki, hadisə nəticəsində indiyədək heç bir tələfat və ya ciddi dağıntı barədə məlumat verilməyib. Həmçinin bölgədə sunami təhlükəsi elan olunmayıb.