Ersin Tatar Azərbaycanı təbrik edib

Şimali Kipr Türk Respublikasının (ŞKTR) Prezidenti Ersin Tatar Azərbaycanın Dövlət Müstəqilliyinin Bərpası Günü ilə bağlı paylaşım edib. Prezident bu təbrik mesajını özünün "X" sosial media hesabında yayımlayıb.

Ersin Tatar paylaşımında səmimi duyğularla yanaşaraq, Azərbaycan xalqına və rəhbərliyinə öz ehtiramını bildirib. O qeyd edib: "Can Azərbaycanı 18 Oktyabr - Dövlət Müstəqilliyinin Bərpası Günü münasibətilə ən səmimi duyğularımla təbrik edirəm."

O, həmçinin, Azərbaycan Prezidentinə də xüsusi salamlarını çatdırıb. "Azərbaycan Prezidenti, dəyərli qardaşım İlham Əliyevə və bütün Azərbaycana xalqımın sevgi, salam və səmimi ehtiramlarını çatdırıram," deyə ŞKTR Prezidenti əlavə edib. Bu mesaj iki dövlət arasındakı sıx əlaqələri vurğulayır.