Duq Keysi: Ermənistanın Azərbaycan mina xəritələrini verməməsi müəyyən çətinliklər yaradır

Amerikalı səyyah Duq Keysi bildirib ki, Ermənistanın Azərbaycana mina xəritələrinin verilməsini gecikdirməsi işğaldan azad edilmiş ərazilərin minalardan təmizlənməsini çətinləşdirir. Onun sözlərinə görə, bu gecikmə müəyyən çətinliklər yaradır, çünki zaman keçdikcə minaların ərazidəki mövqeləri dəyişə bilir. Təbii proseslər minaların yerini dəyişdirə bilər. Buna görə də xəritələrin vaxtında təqdim edilməməsi təmizləmə işlərini ləngidir.

Duq Keys qeyd edib ki, yağıntılar, eroziya və torpaq çökməsi kimi təbii hadisələr minaların dəqiq mövqelərini dəyişdirir. Beləliklə, hər il keçdikcə bu xəritələrin faydası və aktuallığı azalır. Bu vəziyyət ərazilərin tam təhlükəsizliyinin bərpa edilməsi prosesinə ciddi mane olur.

Səyyah Keysi Qarabağ boyunca səfəri zamanı gördüklərindən danışıb. O, xüsusilə Xankəndidəki universitetdən çox təsirləndiyini vurğulayıb: "Buradakı tələbələr çox həvəslidirlər". Keysi indiyə qədər 150 ölkəni gəzdiyini bildirib. O əlavə edib ki, səyahətləri sona çatmaq üzrədir, buna görə də Azərbaycanın azad edilmiş əraziləri ziyarət etdiyi son yerlərdən biri olacaq.