Ceyhun Bayramov Vatikan Apostol Kitabxanasında olub

Azərbaycan xarici işlər naziri Ceyhun Bayramov Vatikana həyata keçirdiyi rəsmi səfəri çərçivəsində Apostol Kitabxanasını ziyarət edib. Bu mədəni tədbir, nazirin Vatikandakı görüşlər proqramının bir hissəsi olub. Nazir Kitabxanada olduqdan sonra bu barədə "X" sosial şəbəkəsində paylaşım edərək fikirlərini bölüşüb.

C. Bayramov öz paylaşımında Kitabxananı "misilsiz insanlıq tarixi xəzinəsi" adlandırıb. O qeyd edib ki, əsrlər boyu əlyazmalar və mətnlərdə qorunub saxlanılan bu abidə, insanlara dialoqun gücünü xatırladır. Azərbaycanın zəngin multikulturalizm ənənəsi var, buna görə də ölkə mədəniyyətlərarası mübadiləni dəstəkləyir. Nazir bildirib ki, məhz bu cür mübadilə ortaq gələcəyimiz üçün daha dərin qarşılıqlı anlaşmaya aparan yoldur. Azərbaycan belə mədəni təşviqatda iştirak etməkdən qürur duyur.